Lompat ke konten Lompat ke sidebar Lompat ke footer

Kerrong Ka Salerana Dhika


Oleh: Abd. Rahman, S.Pd.



Nape se ekasandhang bula
Dhika jau e mata tape katon semma’ se sanyatana
Dhika lako ngalemba’ e bhakto bula kadhibi’an
Arassa bula kerrong tak re-mare.


Dhu ...Ale’se nembang careta
Mukka’ma emot ka salerana
Enalekana epatemmu dutaon tapongkor
Ekottana oreng jaba se alengka tase’

Pamesemma dhika se murka’mabharas ate se talka
Khembang mabar room e taman sare
Naleka langge’ ondem ban ojhan buru toron
Bula kadhibi’en toju’eadha’anna kopung

Bula ce’ terrona tapanggiya maske coma e dhalem mimpe
Bula ghun coma ngellos dada kerrong ka salerana dhika
Ale’se raddin se lako majember ate.

Sumenep, 10 Januari 2023


Sapora’agi Aba’ se Raja Dhusa


Ampon depha’ pole ka taon anyar
Arassa omor abhang tabhangan abereng dhusa
Duwa se ebaca moga ka parenga belesan se samporna
Ebhakto malem se seppe
Ebhakto oreng se tedhung amimpe.

Ampon depha’ pole ka taon anyar
Angin se ngalesser ..undeunan se abha’ koba’an
Manussa se ta’andhi’ rassa kastha
Ate sossa ampon ta’ kaladhin.

Ampon depha’ pole ka taon anyar
Arassa ate sambi’ nangis kadhibi’an
Reng -mereng tanggung tak karoan
Pekkeran ngalengsang mikkere kaodi’en

Duh..guste sapora’agi abha’ se raja dhusa
Mandhar gi’ milowa dhuuman taresna
Mabagus tengka se sala maroom odhi’ se bharaka
Pacellep agi ate pamilo ka nyonarra are.

Sumenep, 12 Januari 2023



A. Rahman ketua KPP Sumenep

Saya biasa dipanggil Rahmanesto, saya aktif diberbagai komunitas sosial, pendidikan dan kepemudaan. saya suka menulis berita, opini dan puisi. suka dengan perubahan dan kemajuan, terbuka untuk semua kalangan, suka diskusi dan hobi bersepeda, kulineran dan nonton musik.




Posting Komentar untuk "Kerrong Ka Salerana Dhika"